काठमाडौं – बैदेशिक रोजगार तामाङ व्यवसायी समाजको आयोजनामा आगामी भाद्र तेस्रो साता ‘अन्तर रिक्रुटिङ एजेन्सी तथा जुनियर राष्ट्रिय ब्याडमिन्टन च्याम्पियनसीप–२०८०’ आयोजना हुने भएको छ ।
भाद्र २२ र २३ गतेसम्म ललितपुर स्थित रिभाईम लिजर पार्कको कर्भड हलमा प्रतियोगिताको आयोजना हुने भएको छ । व्यावसायी बिच मित्रता, भाईचार बढाउने उदेश्य तथा जुनियर ब्याडमिण्टन खेलाडीे एवं नेपाली ब्याडमिन्टन खेल विकासलाई टेवा पु¥याउने दृढ विश्वासका साथ प्रतियोगिताको आयोजना गरिएको प्रतियोगिताका संयोजक तथा समाजका उपाध्यक्ष मोहन योन्जनले बताएका छन ।
प्रतियोगितामा बैदेशिक रोजगार इजाजत पत्र वाला संस्थाको तर्फ बाट सहभागि हुन सकिने तथा इजाजत पत्र संस्थाको एक जना संचालक अनिवार्य हुनुपर्ने मापदण्ड राखिएको छ । साथै उक्त प्रतियोगितामा U-19 Boys Singles जुनियरको राष्ट्रिय स्तरको ब्याडमिन्टन खेल पनि हुने त्यसको लागि नेपाल ब्याडमिण्टन संघ मार्फत राष्ट्रिय स्तरको खेलको मान्यता सम्बन्धी मापदण्ड तथा स्कृती लिइ सकेको हुदा सहभागि खेलाडीहरुको Score/ Point जोडिने पनि प्रतियोगिताका संयोजक योन्जनले बताएका छन ।
प्रतियोगिताका विधाहरूमा रिक्रुटिङ एजेन्सी डबल्स र U-19 Boys Singles १९ वर्ष मुनिका रहेको योञ्जनले बताउनुभयो । उहाँले सम्पूर्ण ब्याडमिन्टन खेलाडी तथा खेलप्रेमीहरुलाई प्रतियोगितामा सहभागी हुन समेत आग्रह गर्नुभएको छ ।
प्रतियोगिताका सबै विधामा विजेता, उप–विजेता र तृतीय स्थान प्राप्त गर्ने टीमलाई नगद पुरस्कारका साथै ट्रफी, मेडल र प्रमाण पत्र प्रदान गरिनेछ । प्रतियोगिताको अनुमानित बजेट ५ लाख रुपैयाँ रहेको समाजका महासचिव तिलक तामाङले बताउनुभयो ।
